Manju (Buleku Bithe)

Sijigiyan eture Manju haha

ᠮᠠᠨᠵᡠ
ᡥᡝᡵᡤᡝᠨ (Manju Hergen, 满文)

ᠮᠠᠨᠵᡠ

ᠴᠣᡥᠣᡨᠣᡳ
ᡤᡝᠪᠰᡠᠨ (Cohotoi gebsun, 专有名词)

ᠮᠠᠨᠵᡠ (Manju)

1. ᠉

.

。

ᡨᠠᡳᡯᡠ ᡩᡝᡵᡤᡳ ᡥᡡᡱᡳᠠᠩᡩᡳ᠈ ᡥᠠᠯᠠ ᠠᡳᠰᡳᠨ ᡤᡳᠣᡵᠣ᠈ ᠨᡝᠨᡝᡥᡝ ᠵᠠᠯᠠᠨ ᡤᠣᠯᠮᡳᠨ ᡧᠠᠨᠶᠠᠨ ᠠᠯᡳᠨ ᠴᡳ ᡥᡡᡨᡠᡵᡳ ᠪᡝ ᡩᡝᡵᡳᠪᡠᡥᡝᠪᡳ᠈ ᡤᠣᠯᠮᡳᠨ ᡧᠠᠨᠶᠠᠨ ᠠᠯᡳᠨ᠈ ᡩᡝᠨ ᠵᡠᠸᡝ ᡨᠠᠩᡤᡡ ᠪᠠ᠈ ᡧᡠᡵᡩᡝᠮᡝ ᠮᡳᠩᡤᠠᠨ ᠪᠠ᠈ ᠠᠯᡳᠨ ᡳ ᠨᡳᠩᡤᡠᡩᡝ ᡨᠠᠮᡠᠨ ᡤᡝᠪᡠᠩᡤᡝ ᠣᠮᠣ ᠪᡳ᠈ ᡧᡠᡵᡩᡝᠮᡝ ᠵᠠᡴᡡᠨᠵᡠ ᠪᠠ᠈ ᡨᡝᡵᡝ ᠠᠯᡳᠨ ᠴᡳ ᡨᡠᠴᡳᡶᡳ ᠶᠠᠯᡠ᠈ ᡥᡡᠨᡨᡠᠩ᠈ ᠠᡳᡥᡠ ᠰᡝᡵᡝ ᡳᠯᠠᠨ ᡠᠯᠠ ᠪᠠᠨᠵᡳᠨᠠᡥᠠᠪᡳ᠈ ᡧᠠᠨᠶᠠᠨ ᠠᠯᡳᠨ ᡳ ᡧᡠᠨ ᡩᡝᡴᡩᡝᡵᡝ ᡝᡵᡤᡳ ᠣᠮᠣᡥᠣᡳ ᠪᡳᡤᠠᠨ ᡳ ᠣᡩᠣᠯᠣ ᡤᡝᠪᡠᠩᡤᡝ ᡥᡝᠴᡝᠨ ᡩᡝ ᡨᡝᡶᡳ᠈ ᡶᠠᠴᡠᡥᡡᠨ ᠪᡝ ᡨᠣᡴᡨᠣᠪᡠᡶᡳ᠈ ᡤᡠᡵᡠᠨ ᡳ ᡤᡝᠪᡠ ᠪᡝ ᠮᠠᠨᠵᡠ ᠰᡝᡥᡝ᠈ ᡨᡝᡵᡝᠴᡳ ᡥᡝᡨᡠ ᠠᠯᠠ ᡩᡝ ᡤᡠᡵᡳᡶᡳ ᡨᡝᡥᡝ᠈ ᡨᡝ ᠶᡝᠨᡩᡝᠨ ᡳ ᠪᠠ ᡳᠨᡠ᠉ ᡨᡝᡵᡝ ᡶᠣᠨᡩᡝ᠈ ᠰᡠᡴᠰᡠᡥᡠ ᠠᡳᠮᠠᠨ᠈ ᠰᠠᡵᡥᡡ᠈ ᡤᡳᠶᠠᠮᡠᡥᡡ᠈ ᠵᠠᠨ᠈ ᠸᠠᠩᡤᡳᠶᠠ᠈ ᡝᠯᠮᡳᠨ᠈ ᠵᠠᡴᡡᠮᡠ᠈ ᠰᠠᡴᡩᠠ᠈ ᠰᡠᡱᡳᠠᠨ᠈ ᡩᠣᠩᡤᠣ᠈ ᠶᠠᡵᡥᡡ᠈ ᠠᠨᡩᠠᡵᡴᡳ ᠠᡳᠮᠠᠨ᠈ ᠸᡝᠵᡳ ᠠᡳᠮᠠᠨ᠈ ᡥᡡᡵᡥᠠ᠈ ᠸᠠᡵᡴᠠ᠈ ᡶᡳᠣ᠈ ᠰᠠᡥᠠᠯᠴᠠ ᡳ ᠵᡝᡵᡤᡳ ᠪᠠ ᡳ ᡠᡵᠰᡝ᠈ ᡤᡝᠮᡠ ᡨᠠᡳᡯᡠ ᡩᡝᡵᡤᡳ ᡥᡡᠸᠠᠩᡩᡳ ᠪᡝ ᠪᠠᡳᠮᡝ ᠵᡳᡥᡝ᠉ ᠵᠠᡳ ᠵᠣᠣᡤᡳᠶᠠ᠈ ᠮᠠᡵᡩᡠᠨ᠈ ᠣᠩᡤᠣᠯᠣ᠈ ᠠᠨᡨᡠ ᡤᡡᠸᠠᠯᡤᡳᠶᠠ᠈ ᡥᡠᠨᡝᡥᡝ ᠠᡳᠮᠠᠨ᠈ ᠵᡝᠴᡝᠨ ᡳ ᠠᡳᠮᠠᠨ᠈ ᡨᠣᠮᠣᡥᠣ᠈ ᠵᠠᠩᡤᡳᠶᠠ᠈ ᠪᠠᡵᡩᠠ᠈ ᠵᠠᡳᡶᡳᠶᠠᠨ᠈ ᡩᡠᠩᡤᡳᠶᠠ᠈ ᠣᠯᡥᠣᠨ᠈ ᡩᡠᠩ᠈ ᠵᡠᡧᡝᡵᡳ᠈ ᠨᡝᠶᡝᠨ᠈ ᡶᠣᡩᠣᡥᠣ᠈ ᠰᡳᠪᡝ᠈ ᠠᠨᠴᡠᠯᠠᡴᡡ᠈ ᡥᠠᡩᠠ᠈ ᠵᠠᠩ᠈ ᠠᡴᡳᡵᠠᠨ᠈ ᡥᡝᠰᡳᡥᡝ᠈ ᠣᠮᠣᡥᠣ ᠰᠣᡵᠣ᠈ ᡶᡝᠨᡝᡥᡝ᠈ ᡥᠣᡳᡶᠠ᠈ ᡥᡠᠶᡝ᠈ ᠨᠠᠮᡩᡠᠯᡠ᠈ ᠰᡠᡳᡶᡠᠨ᠈ ᠨᡳᠩᡤᡠᡨᠠ᠈ ᠨᡳᠮᠠᠴᠠ᠈ ᡠᡵᡤᡠᠴᡝᠨ᠈ ᠮᡠᡵᡝᠨ᠈ ᠵᠠᡴᡡᡨᠠ᠈ ᡠᠯᠠ᠈ ᡠᠰᡠᡳ᠈ ᠶᠠᡵᠠᠨ᠈ ᠰᡳᡵᡳᠨ᠈ ᡝᡥᡝ ᡴᡠᡵᡝᠨ᠈ ᡤᡡᠨᠠᡴᠠ ᡴᡠᡵᡝᠨ᠈ ᠰᠠᡥᠠᠯᡳᠶᠠᠨ ᡳ ᠠᡳᠮᠠᠨ᠈ ᡳᠨᡩᠠᡥᡡᠨ ᡨᠠᡴᡡᡵᠠᡵᠠ ᡤᠣᠯᠣ᠈ ᠨᠣᡵᠣ᠈ ᠰᡳᡵᠠᡥᡳᠨ᠈ ᠶᡝᡥᡝ᠈ ᡤᡡᠸᠠᠯᠴᠠ᠈ ᡠᠰᡠᡳ᠈ ᡥᡳᠩᡴᠠᠨ᠈ ᡥᡠᠨᠴᡠᠨ᠈ ᡴᡡᠸᠠᠯᠠ ᡳ ᠵᡝᡵᡤᡳ ᡤᡠᡵᡠᠨ ᠠᡳᠮᠠᠨ ᠪᡝ ᡤᡝᠮᡠ ᡩᠠᡳᠯᠠᠮᡝ ᡩᠠᡥᠠᠪᡠᡥᠠ᠈ ᡝᠰᡝ ᠪᡝ ᡤᡝᠮᡠ ᠮᠠᠨᠵᡠ ᠣᠪᡠᡥᠠ᠉

Taidzu Dergi Hūwangdi, hala Aisin Gioro, nenehe jalan Golmin Šanyan Alin ci hūturi be deribuhebi. Golmin Šanyan Alin den juwe tanggū ba, šurdeme minggan ba, alin -i ninggude Tamun gebungge omo bi, šurdeme jakūnju ba, tere alin ci tucifi Yalu, Hūntung, Aihu sere ilan ula banjinahabi, Šanyan Alin -i šun dekdere ergi Omohoi Bigan -i Odoli gebungge hecen de tefi, facuhūn be toktobufi, gurun -i gebu be Manju sehe, tereci geli Hetu Ala de gurifi tehe, te Yenden -i ba inu. Tere fonde, Suksuhu Aiman, Sarhū, Giyamuhū, Jan, Wanggiya, Elmin, Jakūmu, Sakda, Suwan, Donggo, Yarhū, Andarki Aiman, Weji Aiman, Hūrha, Warka, Fio, Sahalca -i jergi ba -i urse, gemu Taidzu Dergi Hūwangdi be baime jihe. Jai Joogiya, Mardun, Onggolo, Antu Gūwalgiya, Hunehe Aiman, Jecen -i Aiman, Tomoho, Janggiya, Barda, Jaifiyan, Dunggiya, Olhon, Dung, Jušeri, Neyen, Fodoho, Sibe, Anculakū, Hada, Jang, Akiran, Hesihe, Omoho Soro, Fenehe, Hoifa, Huye, Namdulu, Suifun, Ningguta, Nimaca, Urgucen, Muren, Jakūta, Ula, Usui, Yaran, Sirin, Ehe Kuren, Gūnaka Kuren, Sahaliyan -i Aiman, Indahūn Takūrara Golo, Noro, Sirahin, Yehe, Gūwalca, Usuri, Hingkan, Huncun, Kūwala -i jergi gurun aiman be gemu dailame dahabuha, ese be gemu Manju obuha.

太祖高皇帝（清太祖努尔哈赤）姓爱新觉罗，先世创始于长白山之福地，长白山高二百里，周围千里，山顶有湖名为闼门（长白山天池），周围八十里，鸭绿、混同、爱滹三条江从那座山流出，在长白山东方的俄漠惠之原野，鄂多里城居住，平定乱国，确定国名为“满洲”，从此又迁居赫图阿拉，即今日兴京之地。那时苏克苏护部、萨尔浒、嘉穆湖、沾、王家（完颜）、额勒敏、札库木、萨克达、苏完、董鄂、雅尔浒、安达尔奇部、窝集部、虎尔哈、瓦尔喀、斐优、萨哈尔察等地的人们，都来投靠太祖高皇帝（清太祖努尔哈赤）。其次，使赵佳、马尔敦、翁鄂洛、安图瓜尔佳、浑河部、哲陈部、托漠河、章佳、巴尔达、界藩、董家、俄尔浑、朱舍里、讷殷、佛多和、席北（锡伯）、安楚拉库、哈达、璋、阿奇兰、赫席赫、额穆赫索罗、佛讷赫、辉发、瑚叶、那木都鲁、绥芬、宁古塔、尼玛察、乌尔古陈、木伦、扎库塔、乌拉、乌绥、雅兰、西林、额赫库伦、固纳喀库伦、萨哈连部、阴答浑塔库拉拉果洛（使犬部）、诺洛、石拉忻、叶赫、卦尔察、乌苏里、兴坎、珲春、夸喇等部落尽皆剿抚，这些都作为满洲。