Jakūnju Ninggun Gūsa (Buleku Bithe)

ᠮᠠᠨᠵᡠ
ᡥᡝᡵᡤᡝᠨ (Manju Hergen, 满文)

ᠵᠠᡴᡡᠨᠵᡠ ᠨᡳᠩᡤᡠᠨ ᡤᡡᠰᠠ

ᠴᠣᡥᠣᡨᠣᡳ
ᡤᡝᠪᠰᡠᠨ (Cohotoi gebsun, 专有名词)

ᠵᠠᡴᡡᠨᠵᡠ
ᠨᡳᠩᡤᡠᠨ
ᡤᡡᠰᠠ (Jakūnju Ninggun Gūsa)

1. ᠉

.

。

ᡴᠠᠯᡴᠠ ᡳ ᡤᡠᡵᡠᠨ᠈ ᡡᠯᡝᡨ ᡩᡝ ᠠᠮᠪᠠᡵᠠᠮᡝ ᡤᡳᡩᠠᠪᡠᡶᡳ ᡤᡠᡵᡠᠨ ᡝᡶᡠᠵᡝᡶᡳ᠈ ᠰᠣᠨ ᠰᠣᠨ ᡳ ᠪᡠᡵᡠᠯᠠᠮᡝ ᠪᠠᡳᠮᡝ ᡩᠣᠰᡳᠨᠵᡳᡥᠠ ᠪᡝ᠈ ᡧᡝᠩᡯᡠ ᡤᠣᠰᡳᠨ ᡥᡡᠸᠠᠩᡩᡳ᠈ ᠠᠯᡳᠮᡝ ᡤᠠᡳᡶᡳ ᡠᠵᡳᠮᡝ᠈ ᠯᠠᡴᠴᠠᡥᠠ ᡝᠨᡝᠨ ᠪᡝ ᠰᡳᡵᠠᠪᡠᠮᡝ᠈ ᡤᡠᡴᡠᡥᡝ ᡤᡠᡵᡠᠨ ᠪᡝ ᡨᠠᡴᠰᡳᠪᡠᠮᡝ᠈ ᠸᠠᠩ ᠪᡝᡳᠯᡝ ᡳ ᠵᡝᡵᡤᡳ ᡥᡝᡵᡤᡝᠨ ᡶᡠᠩᠨᡝᡶᡳ᠈ ᡤᡡᠰᠠ ᠨᡳᡵᡠ ᠪᠠᠨᠵᡳᠪᡠᡶᡳ᠈ ᠠᠮᠠᡵᡤᡳ ᠵᡠᡤᡡᠨ ᡳ ᡨᡠᠰᡳᠶᡝᡨᡠ ᡥᠠᠨ᠋ ᡳ ᠠᡳᠮᠠᠨ ᡳ ᠣᡵᡳᠨ ᡤᡡᠰᠠ᠈ ᡥᠠᠨ᠋ ᠠᠯᡳᠨ ᡳ ᠴᡠᠯᡤᠠᠨ ᡳ ᡴᠠᠯᡴᠠᡳ ᡩᠠᠰᡥᡡᠸᠠᠨ ᡤᠠᠯᠠᡳ ᠴᠣᠣᡥᠠ ᠪᡝ ᡴᠠᡩᠠᠯᠠᠮᠪᡳ᠈ ᠠᠮᠠᡵᡤᡳ ᠵᡠᡤᡡᠨ ᠴᡳ ᡩᡝᠨᡩᡝᠮᡝ ᡨᡠᠴᡳᠪᡠᡥᡝ᠈ ᡩᡠᠯᡳᠮᠪᠠᡳ ᠵᡠᡤᡡᠨ ᡳ ᠰᠠᡳᠨ ᠨᠣᠶᠠᠨ ᡳ ᠠᡳᠮᠠᠨ ᡳ ᠣᡵᡳᠨ ᠵᡠᠸᡝ ᡤᡡᠰᠠ ᠴᡳᠴᡳᡵᠯᡳᡴ ᡳ ᠴᡠᠯᡤᠠᠨ ᡳ ᡴᠠᠯᡴᠠᡳ ᡩᡠᠯᡳᠮᠪᠠᡳ ᠴᠣᠣᡥᠠ ᠪᡝ ᡴᠠᡩᠠᠯᠠᠮᠪᡳ᠈ ᠸᠠᡵᡤᡳ ᠵᡠᡤᡡᠨ ᡳ ᠵᠠᠰᠠᡴᡨᡠ ᡥᠠᠨ᠋ ᡳ ᠠᡳᠮᠠᠨ ᡳ ᠵᡠᠸᠠᠨ ᠵᠠᡴᡡᠨ ᡤᡮᠰᠠ᠈ ᠵᠠᡴ ᠪᡳᡵᠠᡳ ᠰᡝᡴᡳᠶᡝᠨ ᡳ ᠪᡳᡩᡠᡵᡳᠶᠠ ᠨᠣᠣᡵ ᡳ ᠴᡠᠯᡤᠠᠨ ᡳ ᡴᠠᠯᡴᠠᡳ ᠵᡝᠪᡝᠯᡝ ᡤᠠᠯᠠᡳ ᠴᠣᠣᡥᠠ ᠪᡝ ᡴᠠᡩᠠᠯᠠᠮᠪᡳ᠈ ᡩᡝᡵᡤᡳ ᠵᡠᡤᡡᠨ ᡳ ᠴᡝᠴᡝᠨ ᡥᠠᠨ᠋ ᡳ ᠠᡳᠮᠠᠨ ᡳ ᠣᡵᡳᠨ ᡳᠯᠠᠨ ᡤᡡᠰᠠ᠈ ᡴᡝᡵᡠᠯᡠᠨ ᠪᡳᡵᠠ ᠪᠠᡵᠠᠰ ᡥᠣᡨᠣᠨ ᡳ ᠴᡠᠯᡤᠠᠨ ᡳ ᡴᠠᠯᡴᠠᡳ ᠵᡠᠯᡝᡵᡤᡳ ᠴᠣᠣᡥᠠ ᠪᡝ ᡴᠠᡩᠠᠯᠠᠮᠪᡳ᠈ ᡤᡝᠯᡳ ᠣᡵᠠᠨᡨ ᡳ ᠴᠣᡵᠣᠰ ᡡᠯᡝᡨ ᠵᡠᠸᡝ ᡤᡡᠰᠠ ᠪᡝ ᠰᠠᡳᠨ ᠨᠣᠶᠠᠨ ᡳ ᠠᡳᠮᠠᠨ ᡩᡝ ᡴᠠᠮᠴᡳᠪᡠᠮᡝ᠈ ᡥᠣᡨᠣᠨ ᡳ ᡡᠯᡝᡨ ᡝᠮᡠ ᡤᡡᠰᠠ ᠪᡝ ᠵᠠᠰᠠᡴᡨᡠ ᡥᠠᠨ᠋ ᡳ ᠠᡳᠮᠠᠨ ᡩᡝ ᡴᠠᠮᠴᡳᠪᡠᡶᡳ᠈ ᡠᡥᡝᡵᡳ ᠵᠠᡴᡡᠨᠵᡠ ᠨᡳᠩᡤᡠᠨ ᡤᡡᠰᠠ ᠪᠠᠨᠵᡳᠪᡠᡥᠠ᠈ ᡝᡵᡝᠪᡝ ᠵᠠᡴᡡᠨᠵᡠ ᠨᡳᠩᡤᡠᠨ ᡤᡡᠰᠠ ᠰᡝᠮᠪᡳ᠈ ᡠᡥᡝᡵᡳ ᡩᡠᡳᠨ ᠠᡳᠮᠠᠨ᠈ ᡩᡠᡳᠨ ᠴᡠᠯᡤᠠᠨ᠉

Kalka -i Gurun, Ūlet de ambarame gidabufi gurun efujefi, son son -i burulame baime dosinjiha be, Šengdzu Gosin Hūwangdi, alime gaifi ujime, lakcaha enen be sirabume, gukuhe gurun be taksibume, wang beile -i jergi hergen fungnefi, gūsa niru banjibufi, amargi jugūn -i Tusiyetu Han' -i Aiman -i orin gūsa, Han' Alin -i Culgan -i Kalkai dashūwan galai cooha be kadalambi, amargi jugūn ci dendeme tucibuhe, dulimbai jugūn -i Sain Noyan -i Aiman -i orin juwe gūsa Cicirlik -i Culgan -i Kalkai dulimbai cooha be kadalambi, wargi jugūn -i Jasaktu Han' -i Aiman -i juwan jakūn gūsa, Jak Birai sekiyen -i Biduriya Noor -i Culgan -i Kalkai jebele galai cooha be kadalambi, dergi jugūn -i Cecen Han' -i Aiman -i orin ilan gūsa, Kerulun Bira Baras Hoton -i Culgan -i Kalkai julergi cooha be kadalambi, geli Orant? -i Coros Ūlet juwe gūsa be Sain Noyan -i Aiman de kamcibume, hoton -i Ūlet emu gūsa be Jasaktu Han' -i Aiman de kamcibufi, uheri jakūnju ninggun gūsa banjibuha, erebe Jakūnju Ninggun Gūsa sembi, uheri duin aiman, duin culgan.

。